PEACE

Өнөөдөр дэлхийн тамхигүй өдөр. Энэ ч утгаараа тамхины хор хөнөөл, аюул бүхнийг сануулах чиглэлээр олон арга хэмжээ зохиогддог

уламжлалтай. Дэлхийн эрүүл мэндийн байгууллагаас гаргасан мэдээгээр бол зүрхний шигдээсийн 25 хувь, уушигний хавдрын 90 хувь, архаг бронхитийн 75 хувийн шалтгаан нь болдог аж. Одоо дэлхий дээр 10 секунд бүрт тамхинаас болж нэг хүн нас барж байна. 2020 гэхэд гурван секунд бүрт нэг хүн тамхинаас болж үхнэ гэдэг тооцоо гарсан байна. Манай орны хүн амын 47 гаруй хувь нь тамхи татдаг гэсэн тоо бий. Гэхдээ гадаадын нэгэн байгууллагын хийсэн судалгааны албан бус мэдээллээр монголчуудын 68 хувь нь тамхи татдаг гэжээ.

Английн “British Doctors Study” лабораторынхны судалгаагаар хүн тамхи татсанаар дархлааны эсүүдийг тогтворгүй байдалд оруулж зүрхний шигдээс, уушигны хорт хавдар үүсэх боломж олгодогийг тогтоосон байна. Тамхи татсанаар өөрийн амьдралаас 10-15 жилийг алдаж байдаг юм байна. Тэгвэл жил бүр тамхи үйлдвэрлэгчдийн ашиг 13 хувийн өсөлттэй гардаг ажээ.

Тамхи татах нь муу зуршил бөгөөд үүнээс салах нь сэтгэлийн асуудал гэж ярьдаг ч үнэндээ тамхи донтуулах үйлчилгээтэй учраас санаан зоргоор татгалзаж чаддаггүйг дэлхийн эрдэмтэд баталсан юм. Тамхины хорыг тогтоох судалгаанаас vзвэл тамхи  татдаггvй хvн тамхины утаатай өрөөнд нэг цаг байхад 15 ширхэг тамхи татсантай тэнцэх хэмжээний хорт бодисоор амьсгалдаг болохыг тогтоожээ. Гэтэл манай улсын таван хvн тутмын дөрөв нь ажлын газар болон гэртээ тамхи татдаг хvнтэй хамт ажиллаж, амьдардаг болох нь тогтоогджээ. Өдөрт 25 ширхэг тамхи татдаг хүн 30 жилд 160 кг тамхи татах тооцоо байдаг аж. Та бүхэн дэлхийн тамхигүй өдөрт зориулсан гэрэл зургуудыг сонирхоорой.  

Б.Болор  www.secret.mn